ಕೆಲವರು ಬೆಳಗಿನ ಸಮಯದಲ್ಲಿ ಓದಲು ಇಷ್ಟಪಡುತ್ತಾರೆ. ಕೆಲವರು ಓದಲು ಸಂಜೆ ಸಮಯಕ್ಕೆ ಆದ್ಯತೆ ನೀಡುತ್ತಾರೆ. ಬೆಳಗ್ಗೆ ಅಥವಾ ಸಂಜೆ ಅಧ್ಯಯನ ಮಾಡುವುದಕ್ಕೆ ಯಾವ ಸಮಯ ಉತ್ತಮ. ಒಂದು ಅಧ್ಯಯನದ ಪ್ರಕಾರ ಶೇಕಡ 2ರಷ್ಟು ಜನರು ರಾತ್ರಿಯಲ್ಲಿ ಅಧ್ಯಯನ ಮಾಡುವುದು ಪರಿಣಾಮಕಾರಿ ಎಂದು ಹೇಳಿದ್ದಾರೆ. ಇನ್ನು ಶೇಕಡ 80ರಷ್ಟು ಜನರು ಬೆಳಗಿನ ಅಧ್ಯಯನ ಪರಿಣಾಮಕಾರಿ ಎಂದು ಹೇಳಿದ್ದಾರೆ. ನಾವು ಇಲ್ಲಿ ಬೆಳಗಿನ ಅಧ್ಯಯನದ ಐದು ಪರಿಣಾಮವನ್ನು ತಿಳಿಸುತ್ತಿದ್ದೇವೆ. ಇದು ನಿಮಗೆ ಬೆಳಗಿನ ಸಮಯ ಓದಲು ಏಕೆ ಉತ್ತಮ ಎಂಬುದನ್ನು ತಿಳಿಸುತ್ತದೆ.

#ಬೆಳಗಿನ ಅಧ್ಯಯನದ ಶಕ್ತಿ.

ಬೇಗನೆ ಎಚ್ಚರಗೊಳ್ಳುವುದರಿಂದ ಒತ್ತಡದ ಮಟ್ಟ ಕಡಿಮೆ ಇರುತ್ತದೆ ಮತ್ತು ಇದು ನಿಮಗೆ ಅನಗತ್ಯವಾಗಿ ಏಳುವುದನ್ನು ತಪ್ಪಿಸುತ್ತದೆ. ಮುಂಜಾನೆ ಅಧ್ಯಯನ ಮಾಡುವ ವಿದ್ಯಾರ್ಥಿಗಳು ವಿಷಯಗಳನ್ನು ದೀರ್ಘಕಾಲದವರೆಗೆ ನೆನಪಿಸಿಕೊಳ್ಳುತ್ತಾರೆ ಮತ್ತು ಅದನ್ನು ತ್ವರಿತ ಸಮಯದಲ್ಲಿ ಕಲಿಯುತ್ತಾರೆ ಎಂದು ಪರೀಕ್ಷಿಸಲಾಗಿದೆ.

1. ಸಂಪೂರ್ಣ ಮೌನ.

ಓದುವ ಸಮಯದಲ್ಲಿ ಯಾರೂ ಶಬ್ದವನ್ನು ಇಷ್ಟಪಡುವುದಿಲ್ಲ. ಏಕಾಗ್ರತೆಯ ವಿಷಯಕ್ಕೆ ಬಂದಾಗ ಬೆಳಗಿನ ಸಮಯ ಉತ್ತಮವಾಗಿದೆ. ಬೆಳಗಿನ ಸಮಯ ಸಂಪೂರ್ಣ ಮೌನವಾಗಿರುತ್ತದೆ. ಮೌನವೂ ಯಾವುದೇ ಕೆಲಸವನ್ನು ಮಾಡಲು ನಮಗೆ ಹೆಚ್ಚು ಏಕಾಗ್ರತೆಯನ್ನು ನೀಡುತ್ತದೆ. ಹೀಗಾಗಿ ಬೆಳಗಿನ ಸಮಯದಲ್ಲಿ ಓದುವುದು ಉತ್ತಮವಾಗಿದೆ. ಮುಂದಿನ ಬಾರಿ ನೀವು ಅಧ್ಯಯನ ಮಾಡುವಾಗ ಸಾಕಷ್ಟು ಮೌನವಿದೆಯೇ ಎಂದು ಖಚಿತಪಡಿಸಿಕೊಳ್ಳಿ.

2. ಶುದ್ಧ ಮನಸ್ಸು.

ಶುದ್ಧ ಮನಸ್ಸು ನಮ್ಮನ್ನು ಹೆಚ್ಚು ಉತ್ಪಾದಕವಾಗಿಸುತ್ತದೆ, ಅದಕ್ಕೆ ಬೆಳಗಿನ ಸಮಯ ಅತ್ಯುತ್ತಮವಾಗಿದೆ. ನಾವು ಅಧ್ಯಯನ ಮಾಡುವ ವಿಷಯ ಬೇಗನೆ ನೆನಪಿಟ್ಟುಕೊಳ್ಳಲು ಶುದ್ಧ ಮನಸ್ಸು ಮುಖ್ಯವಾಗಿದೆ. ಹೀಗಾಗಿ ತುಂಬಾ ತಜ್ಞರು ಬೆಳಗಿನ ಸಮಯದಲ್ಲಿ ಓದಲು ಸಲಹೆ ನೀಡುತ್ತಾರೆ. ಒಂದು ವೇಳೆ ನೀವು ಒತ್ತಡಕ್ಕೊಳಗಾದರೆ ನಿಮಗೆ ಸರಿಯಾಗಿ ಅಧ್ಯಯನ ಮಾಡಲು ಸಾಧ್ಯವಾಗುವುದಿಲ್ಲ. ಬೆಳಗಿನ ಸಮಯದಲ್ಲಿ ಒತ್ತಡದ ಮಟ್ಟ ಕಡಿಮೆ ಇರುತ್ತದೆ, ಇದರಿಂದಾಗಿ ನೀವು ಆ ಸಮಯದಲ್ಲಿ ಅಧ್ಯಯನ ಮಾಡುವುದು ಪ್ರಯೋಜನಕಾರಿಯಾಗಿದೆ.

3. ಆರೋಗ್ಯಕ್ಕೆ ಒಳ್ಳೆಯದು.

ಬೆಳಗಿನ ಸಮಯದಲ್ಲಿ ಮಾಲಿನ್ಯದ ಮಟ್ಟ ಕಡಿಮೆ ಇರುತ್ತದೆ. ಹೀಗಾಗಿ ಆ ಸಮಯವನ್ನು ಆರೋಗ್ಯಕ್ಕೆ ಒಳ್ಳೆಯದು ಎಂದು ಪರಿಗಣಿಸಲಾಗಿದೆ. ಬೆಳಗ್ಗೆ ಓದುವ ಮುಂಚೆ ನೀವು ಹೊರಗಡೆ ಹೋಗಿ ನಡಿಗೆ ಮಾಡುವುದು ದೇಹ ಮತ್ತು ಮೆದುಳಿನ ಶಕ್ತಿಯನ್ನು ಹೆಚ್ಚಿಸುತ್ತದೆ, ನಂತರ ನೀವು ಓದಲು ಕೂರಬಹುದು. ಬೆಳಗಿನ ಸಮಯದಲ್ಲಿ ನಡಿಗೆ ಅಷ್ಟೇ ಅಲ್ಲದೆ, ನೀವು ವ್ಯಾಯಾಮ ಅಥವಾ ಯೋಗವನ್ನು ಮಾಡಬಹುದು. ವಿದ್ಯಾರ್ಥಿಗಳು ಬೆಳಗಿನ ಸಮಯದಲ್ಲಿ ಸೂರ್ಯನಮಸ್ಕಾರ ಮಾಡುವುದರಿಂದ ನಿಮ್ಮ ಬೆಳಗಿನ ಆಲಸ್ಯವನ್ನು ತೊಲಗಿಸುವುದಲ್ಲದೆ, ಏಕಾಗ್ರತೆಯನ್ನು ಹೆಚ್ಚಿಸುತ್ತದೆ.

4. ಸಮಯದ ಸದುಪಯೋಗ.

ನಾವು ಹಾಸಿಗೆಯಲ್ಲಿ ಗೊರಕೆ ಹೊಡೆಯುವ ಬದಲು ಮುಂಜಾನೆ ಅಧ್ಯಯನ ಮಾಡುವಾಗ, ನಾವು ನಮ್ಮ ಸಮಯವನ್ನು ಉಳಿಯುವುದಲ್ಲದೆ, ಅದನ್ನು ಸರಿಯಾದ ಮೂಲಕ್ಕಾಗಿ ಬಳಸಿಕೊಳ್ಳುತ್ತೇವೆ. ಒಂದು ವೇಳೆ ನೀವು ಸಂಜೆ ಓದಲು ಸಮಯ ನಿಗದಿಪಡಿಸಿದ್ದರೆ, ಮುಂಜಾನೆಯೇ ಓದುವುದರಿಂದ ನೀವು ಸಂಜೆ ನಿಗದಿ ಮಾಡಿದ ಸಮಯದಲ್ಲಿ ಓದಲೇಬೇಕು ಎಂದು ಇರುವುದಿಲ್ಲ. ನಾವು ಆ ಸಮಯದಲ್ಲಿ ನಮ್ಮ ಇತರ ಕೆಲಸಗಳನ್ನು ಮಾಡಬಹುದು. ಹೀಗಾಗಿ ಮುಂಜಾನೆಯ ಓದು ಸಮಯವನ್ನು ಸದುಪಯೋಗಗೊಳಿಸುತ್ತದೆ.

5. ದಿನದ ಉತ್ತಮ ಆರಂಭ.

"ಪ್ರಾರಂಭವು ಉತ್ತಮವಾಗಿದ್ದರೆ ಎಲ್ಲವೂ ಚೆನ್ನಾಗಿರುತ್ತದೆ" ಎಂದು ಹೇಳಲಾಗುತ್ತದೆ. ಅದನ್ನು ಮಾಡಿಫೈ ಮಾಡಿ ಹೇಳಿದ್ದಾರೆ, "ಪ್ರಾರಂಭವೂ ಉತ್ತಮವಾಗಿದ್ದರೆ, ಎಲ್ಲವೂ ಉತ್ತಮ ಅಂತ್ಯದತ್ತ ಸಾಗುವ ಲಕ್ಷಣವಿದೆ". ಹೀಗಾಗಿ ನಿಮ್ಮ ಬೆಳಗಿನ ಸಮಯವನ್ನು ಓದುವ ಮೂಲಕ ಪ್ರಾರಂಭಿಸುವುದು ಒಳ್ಳೆಯದು. ಏನನ್ನಾದರೂ ಕಲಿಯುವಂಥಹ ಒಳ್ಳೆಯ ಕಾರಣದೊಂದಿಗೆ ದಿನವನ್ನು ಪ್ರಾರಂಭಿಸುವುದು ಖಂಡಿತವಾಗಿಯೂ ದಿನಕ್ಕೆ ಉತ್ತಮ ಆರಂಭವಾಗಿದೆ.

ಅಧ್ಯಯನದ ಈ ಲೇಖನವನ್ನು ಶೇರ್ ಮಾಡಿ ಸಹಕಾರಿಸಿ ಮತ್ತು ಇದರ ಮೇಲಿನ ನಿಮ್ಮ ಅಭಿಪ್ರಾಯವನ್ನು ಕಮೆಂಟ್ ಮಾಡಿ.